پنجاب ایجوکیشن فاؤنڈیشن کے زیر اہتمام ملازمین کو حج پر بھجوانے کے لیے قرعہ اندازی تقریب کا انعقاد
پانچ خوش نصیب ملازمین پنجاب ایجوکیشن فاؤنڈیشن کے خرچے پر حج بیت اللہ کی سعادت حاصل کریں گے
صوبائی وزیر تعلیم کا پیف کے ایک ملازم کے اخراجات اپنی جیب سے ادا کرنے کا اعلان
پانچ ملازمین ائندہ سال حج بیت اللہ کی سعادت حاصل کریں گے اس سلسلے میں آج پیف ہیڈ افس میں قرعہ اندازی کی تقریب منعقد ہوئی جس کے مہمان خصوصی صوبائی وزیر تعلیم رانا سکندر حیات تھے۔
تقریب میں چیئرمین پیف ملک شعیب عوان اور منیجنگ ڈائریکٹر پیف شاہد فرید نے خصوصی شرکت کی۔
قرعہ اندازی کی تقریب میں پنجاب ایجوکیشن فاؤنڈیشن کے ملازمین کی کثیر تعداد موجود تھی۔صوبائی وزیر تعلیم رانا سکندر حیات نے قرعہ اندازی کے ذریعے پنجاب ایجوکیشن فاؤنڈیشن کے پانچ خوش نصیب ملازمین کے نتائج کا اعلان کیا یہ پانچ خوش نصیب ملازمین پنجاب ایجوکیشن فاؤنڈیشن کے خرچے پر حج بیت اللہ کی سعادت حاصل کریں گے۔
اس موقع پر صوبائی وزیر تعلیم رانا سکندر حیات نے اعلان کیا کہ وہ پنجاب ایجوکیشن فاؤنڈیشن کے ایک ملازم کے حج بیت اللہ کے اخراجات اپنی جیب سے ادا کریں گے۔
نتائج کے مطابق عائشہ دلاور (ماسٹر ٹرینر)، تبسم عبدالستار (اسسٹنٹ ڈائریکٹر)،محمد اسماعیل (مانیٹرنگ اینڈ ایویلوایشن آفیسر)، محمد نواز (مانیٹرنگ اینڈ ایویلوایشن آفیسر) ، مقصود احمد (ڈرائیور) پنجاب ایجوکیشن فاؤنڈیشن کے خرچے پر حج بیت اللہ کی سعادت حاصل کریں گے۔
چیئرمین پیف اور ایم ڈی پیف نے قرعہ اندازی میں کامیاب ہونے والے ملازمین کو مبارک باد دی۔ اس موقع پر انہوں نے کہا کہ پنجاب ایجوکیشن فاؤنڈیشن کے خوش نصیب ملازمین کے تمام اخراجات پنجاب ایجوکیشن فاؤنڈیشن برداشت کرے گی انہوں نے مزید کہا کہ اس سلسلے کو ہر سال جاری رکھا جائے گا اور قرعہ اندازی کے ذریعے ہر سال پنجاب ایجوکیشن فاؤنڈیشن کے ملازمین کو حج بیت اللہ کی سعادت کے لیے بھیجا جائے گا۔